Nesskólafréttir

Haustið sem nú er senn á enda, en fyrsti vetrardagur er á laugardaginn, hefur verið okkur afar vinsamlegt. Hver blíðudagurinn á eftir öðrum með fallegri sólarupprás, litríku skýafari og stjörnubjörtum kvöldum. Vonandi verður áframhald á blíðunni og nóvember mánuður gefi okkur hina ægifögru roðamorgna í austri. En það er ekki bara veðrið sem hefur verið okkur vinsamlegt, þrátt fyrir erfiða tíma með COVID heimsfaraldri hefur skólastarf heilt yfir gengið mjög vel. Þakka ég það samstilltu átaki starfsfólks, nemenda og ekki síst forelda. Má þar nefna ný afstaðinn samskiptadag, en hann fór fram í fjarfundaformi og gekk næstum hnökralaust fyrir sig, þau fáu vandamál sem upp komu voru nær undantekningalaust leyst á staðnum... af lausnamiðuðum kennurum og foreldrum! En lítum aðeins á það sem framundan er ...vetrarfrí!

Dagana 26. - 27. október er vetrarfrí í skólanum. Þar af leiðandi verður hvorki skóli hjá nemendum né Vinasel opið þessa daga.

Í ljósi aðstæðna vegna Covid-19 viljum við benda á tilmæli aðgerðarstjórnar Almannavarna á Austurlandi sem birtast hér að neðan. Tilmælin eru einnig á ensku og pólsku.

Við vonum að allir hafi það gott í fríinu og mæti endurnærðir að því loknu, samkvæmt stundaskrá miðvikudaginn 28. október.

Á næstu dögum hefst vetrarfrí í skólum, frí sem fjölskyldur nota gjarnan til ferðalaga til höfuðborgarinnar eða annarra landshluta. Slíkt kærkomið frí hittir samfélag okkar nú á sérlega viðkvæmum tíma. Því beinir aðgerðastjórn almannavara á Austurlandi máli sínu sérstaklega til foreldra og forráðamanna og hvetur fjölskyldur til að verja vetrarfríinu heima á Austurlandi og blanda saman inniveru og útivist til hvers konar leikja og virkrar samveru.

East Iceland schools will soon be starting their winter break. Families often use it for trips to the Reykjavík area or other parts of Iceland. Normally that would be fun, but this time the nation is seriously threatened by the COVID pandemic. The East Iceland Crisis Coordination Centre therefore wishes to urge the area's parents and guardians, along with their families, to spend their winter break here in the East. It's a wonderful opportunity to undertake all sorts of games, both indoors and out, in active togetherness.

Już za kilka dni w szkołach we wschodniej Islandii rozpoczną się ferie zimowe, podczas których rodziny często wybierają się na wycieczki do Reykjavíku lub innych części kraju. Ferie kojarzą się zwykle z czymś zabawnym i miłym, jednakże obecna sytuacja związana z pandemią COVID czyni ten czas szczególnie trudnym dla nas wszystkich. Z tego względu Centrum Koordynacji Kryzysowej Wschodniej Islandii pragnie zachęcić rodziców i opiekunów dzieci wraz z rodzinami do spędzenia ferii zimowych w swoim mieście. To wspaniała okazja do tego, by zarówno w domu, jak i na zewnątrz spędzić wspólnie czas na różnego rodzaju grach i zabawach.