Fréttabréf Naustaskóla

Enn á ný eru áramót og nýtt upphaf. Á haustönninni gerðum við margt skemmtilegt og uppbyggjandi. Helst ber að nefna 10 ára afmælishátíð Naustaskóla sem segir okkur að skólinn er orðinn fullorðinn. Afmælishátíðin gekk vonum framar og þökkum við góðan stuðning frá foreldrafélaginu. Við höldum áfram að þróa skólastarfið í takt við nútímann og kröfur samfélagsins til menntunar og munum við halda uppi metnaðarfullu skólastarfi á þessu ári sem endranær. Við vonumst til að eiga áfram gott og gefandi samstarf við foreldra enda er gott samstarf heimilis og skóla lykil atriði að vellíðan og árangri nemenda í námi.

Á nýju ári byrjum við með viku jákvæðs aga þar sem við höldum áfram að kenna nemendum góð samskipti og virðingu gagnvart hvert öðru og starfsfólki.

Það er spennandi vorönn framundan með árshátíð, upplestrakeppni og fleiri skemmtilegum uppákomum.

Bryndís Björnsdóttir, skólastjóri

10. janúar - smiðjuskil

13. - 17. janúar - Jákvæðs aga vika

24. janúar - Bóndadagur

27. janúar - Viðtalsdagur

28. janúar - Viðtalsdagur

Á fimmtudeginum 13.des eftir vonda veðrið og ófærðina höfðum við það huggulegt í skólanum á jólaþemadegi með föndri og notalegheitum. Hér má sjá myndir frá deginum : https://photos.google.com/share/AF1QipOjydNAm2DEwREFN5_UkvuQhfTd7Ng-K4mUFODnVzruQDVceJ8HoxqgINxRRIB4nA?key=aTd2UWNoelYzS2MtTjlNZmJSS1o1QVl2cGUtNDFB

Læsi er lykillinn er afrakstur þriggja ára þróunarvinnu skóla á Eyjafjarðarsvæðinu, Miðstöðvar skólaþróunar HA og fræðslusviðs Akureyrarbæjar. Stefnunni er ætlað að vera leiðbeinandi um læsiskennslu í leik- og grunnskólum. Á síðunni er að finna fjölbreytt efni sem kennarar geta nýtt til að meta stöðu nemenda og skipuleggja kennslu, leiðbeiningar fyrir foreldra o.fl.

Við hvetjum foreldra, nemendur og alla þá sem kenna börnunum okkar að lesa að skoða vel og vandlega þessa heimasíðu. https://lykillinn.akmennt.is/

Giljaskóli og Naustaskóli verða Réttindaskólar UNICEF. Samkomulag þess efnis var undirritað í Naustaskóla í gær og markar tímamót fyrir Akureyrarbæ. Það kom flott frétt um þetta á vef Akureyrarbæjar : https://www.akureyri.is/is/frettir/rettindaskolar-i-barnvaenu-sveitarfelagi

Email: naustaskoli@akureyri.is
Website: naustaskoli.is
Location: Hólmatún, Akureyri, Iceland
Phone: 4604100
Facebook: https://www.facebook.com/naustaskoli/