DJÚPAVOGSSKÓLI

CITTASLOW SUNNUDAGUR

• 11.október Skipulagsdagur-frídagur nemenda.
  
• 12.október Samskiptadagur - nemendur og foreldrar hitta umsjónarkennara.
• 13.október Leikjadagur (áður keppnisdagar).
• 14.október Leikjadagur.
• 14.október Gunni og Felix koma í heimsókn.
• 22.október - fyrsti vetrardagur.
• 24.október Vetrarfrí.
• 25.október Vetrarfrí.

ATHUGIÐ AÐ Á SUNNUDAGINN TEKUR DJÚPAVOGSSKÓLI ÞÁTT Í CITTASLOW-SUNNUDEGI.

Mánudagur 10.október

• Mætum hress og kát eftir gott helgarfrí.

Þriðjudagur 11.október - Skipulagsdagur - nemendur eiga frí í dag.

Miðvikudagur 12.október - Samskiptadagur - nemendur koma í viðtal til umsjónarkennara með forráðamanni.

Fimmtudagur 13.október - Leikjadagur

• 14:20 - 15:50 Teymisfundur.

Föstudagur 14.október - Leikjadagur

• Í dag fáum við góða gesti í samveru.
• Nemendur fara í gott helgarfrí.

Margt skemmtilegt var á dagskrá hjá okkur í þessari viku og það er margt að gerast hjá okkur í næstu viku.

• Á Sunnudaginn tekur Djúpavogsskóli þátt í dagskrá á Cittaslow-sunnudegi. Vonandi sjáumst við sem flest þar.
• Á máundag er kennsla samkvæmt stundarská.
• Á þriðjudag eiga nemendur frí en starfsfólk skólans nýtir daginn til að undirbúa næstu daga og vikur.
• Á miðvikudaginn mæta nemendur með forráðamanni í viðtal hjá umsjónarkennar og setja sér markmið og ræða saman.
• Á fimmtu- og föstudag eru leikjadagar. Leikjadagar eru í raun gömlu keppninsdagarnir okkar. Nemendur hafa ítrekað beðið um að þessir dagar komi aftur inn á skóladagatalið. Við ætlum að breyta aðeins skipulaginu á þessum dögum, m.a. að setja minni áherslu á keppni og meiri áherslu á nám í gegnum skemmtilega leiki. Umsjónarkennarar senda ykkur skipulag leikjadaga í næstu viku.
• Á föstudaginn fáum við góða gesti í samveru. Gunnar Helgason og Felix Bergson er á ferð um Austurlandið og auðvitað tökum við vel á móti þeim.

Námsstefna skólastjóra er haldin á hverju ári í byrjun október og Obba og Þórdís voru mættar á skólabekk í morgun. Í ár voru tveir frábærir fyrirlesarar, Dr. Jane Keise og Sean T. Slade.

Dr. Keise er ráðgjafi í leiðtogaþjálfun, kennsluþjálfun og markþjálfun. Hennar sérsvið er þar að auki tilfinningagreind og þjáfun í geðrækt.

Sean T. Slade er forstöðumaður hinnar alþjólegu menntastofnunar BTS SPARK North America sem hefur það að markmiði að þjálfa næstu kynslóð menntaleiðtoga.

Það er frábært tækifæri fyrir skólastjórnendur á Íslandi að fá svona fyrirlestra. Hér eru á ferð fyrirlesarar sem farar víða um heim og hafa mikla reynslu í sínu fagi.

Þau Keise og Sean ræddu m.a. um heildræna stjórnun og áhrif stjórnenda á velferð í skólastarfi. Námsstefnan heldur áfram á morgun.

Þessa dagana er prjónaþema á mið- og unglingastigi. Það eru þær Heiða og Steinunn sem sjá um það.

Frá heimilisfræðinni - Steikt hrísrjón með kjúklingi, eggjum og grænmeti

Fyrir 2
½ bolli hrísgrjón
1 bolli vatn
1 msk olía
1 kjúklingabringa, elduð og rifin niður
½ laukur, saxaður
1 hvítlauksrif, pressað
2 msk grænar baunir, frosnar
2 gulrætur, skornar smátt
2 egg
2 msk soyasósa

1 msk hoisin sósa

1. Sjóðið hrísgrjón í vatninu þar til þau eru fullelduð.
2. Hitið olíu á pönnu við meðalhita. Bætið lauk, hvítlauk, grænum baunum og gulrótum út á pönnuna og steikið í 5-7 mínútur.
3. Hrærið egg í glasi og blandið síðan saman við grænmetið.
4. Bætið því næst hrísgrjónum, kjúklingi, soyasósu og hoisin sósu á pönnuna. Blandið vel saman.

Bestu kveðjur og góða helgi.

Starfsfólk Djúpavogsskóla