Fréttabréf Engidalsskóla nóv 2023
Ábyrgð - Virðing - Vellíðan
Jólasamverustund foreldrafélagsins verður í Engidalsskóla kl. 12-14 þann 25.11
Fréttabréf Engidalsskóla
Kæru foreldrar/forsjáraðilar.
Hér gefur að líta nýjasta fréttabréf Engidalskóla. Í því er mikið af myndum af verkum nemendum sem við hvetjum ykkur til að skoða. Við erum ákvaflega stolt af því hversu skapandi nemendur eru.
Á hverju ári svara nemendur í 6. og 7. bekk spurningum úr Skólapúslinum og er hann einn af þeim tækjum sem notuð eru til að meta skólastarfið. Tvær kannanir eru á ári og erum við komin með niðurstöður úr fyrri könnuninni. Niðurstöður hafa verið kynntar fyrir skólaráði og starfsmönnum og farið verður yfir þær með nemendum 6. og 7. bekkjar. Helstu niðurstöður eru þær að líðan enemenda heldur áfarm að batna og er vellíðan er komin yfir landsmeðaltal, það á líka við um sjálfsálit, trú á eigin vinnubrögðum og flesta þætti er varðar skólar og bekkjaranda. Niðurstöðurnar segja jafnframt að hluti nemenda upplifi einelti og þó að munurinn sé ekki mælanlegur frá landsmeðaltali tökum við það alvarlega, stefnan er auðvitað að öllum líði hér vel. Ánægja af lestri meðal stúlkna er líka á niðurleið í báðum árgöngunum sem okkur þykir miður en þar geta foreldrar komið sterkir inn og hvatt þær til dáða.
Með bestu kveðju,
Skólastjórnendur Engidalsskóla.
Aðalfundur foreldrafélagsins
Á Aðalfundi foreldrafélagsins í október var skólastjóri með stutta kynningu á uppeldi til ábyrgðar. Í framahaldi af erindi hans tóku fundarmenn þátt í að skilgreina hlutverk skóla og foreldra og velja þau gildi sem þeir vilja hafa í samskiptum bæði innan foreldrahópsins og í samskiptum við börn og skóla.
Þau gildi sem foreldrar telja mikilvæg eru meðal annars, Virðing, ábyrgð, heiðarleiki og traust. Þá sé líka mikilvægt að hlusta og sýna skilning þegar kemur að samskiptum við börnin.
Við lítum svo á að vinnunni sé alls ekki lokið og hér til hliðar er Qr kóði sem leiðir ykkur á vinnuspjaldið og hvetjum við ykkur til að setja ykkar mark á þessa vinnu. Við stefnum svo á að vinna sáttmála með stjórn foreldrafélagins úr niðurstöðunum.
Þemadagar í Engidalsskóla
Íslenskir tónlistarmenn
Sumargestur
Kakóstund
Á yngsta stigi
Kakóstund
Hver hittir í ginið á tröllinu
Yngsta stig
Hér er verið að mála tröll
Yngsta stig
Heimsókn frá slökkviliðinu
Nemendur í 3. bekk fengu fræðslu frá slökkviliðinu og eftir fræðsluna var nemendum boðið að skoða slökkvibíl og sjúkrabíl.
Hvað er leiðsagnarnám
Í Engidalsskóla er nú verið að innleiða leiðsagnarnám. Við hófum þessa vegferð á síðasta ári, með lestri, námskeiðum og skólaheimsóknum innanlands og utan. Nanna K Christansen er sú sem best þekki leiðsagnarnám hér á landi hélt í hönd á okkur í þessum fyrstu skrefum. Kennarar byrjuðu að þreifa sig áfram á síðasta skólaári og munu halda því áfram í vetur. Á starfsdegi nú í nóvember voru settir upp nokkrir svokallaðir námsveggir sem sjá má hér fyrir neðan.
Í stuttu máli snýst leiðsagnarnám um að veita nemandanum leiðsögn sem hjálpar honum að ná þeim markmiðum sem hann stefnir að. Markmiðin þurfa að vera skýr og vel skilgreind svo nemandinn, kennarinn og aðrir sem að náminu koma hafi sama skilning á því hvað sé til marks um að markmiðunum sé náð.
Rannsóknir hafa leitt í ljós að það hvernig niðurstöður námsmats eru notaðar til að styðja við framfarir nemenda í náminu skiptir mun meira máli en námsmatið sjálft.
Niðurstöður námsmatsins verða þannig framvísandi, eins konar vegvísar sem beina námi nemendanna fram á við. Þetta hefur leitt til þess að athyglin hefur í ríkum mæli færst frá námsmatinu sjálfu yfir á áhrif þess á næstu skref í náminu.
Námsveggir
Uppeldi til ábyrgðar,
Haustið 2021 hóf Engidalsskóli innleiðingu á uppeldisstefnunni Uppeldi til ábyrgðar. Innleiðingin hefur gengið vel og munum við halda henni áfram á þessu skólaári. Lykil spurning stefnunnar er hvernig manneskja viltu vera? Gengið er út frá því að þú sért við stjórnvölinn á eigin hegðun og þó við gerum öll mistök er mikilvægt að læra af þeim. Við forðumst ásakanir, afsakanir, skammir, tuð og uppgjöf og segjum JÁ eins oft og við getum. Það er alltaf hægt að segja já en stundum þarf þó að setja skilyrði í framhaldi, já þegar við erum búin að þessu eða þegar þú ert orðinn x gamall og svo framvegis.
Nánar má lesa um stefnuna á uppbygging.is
Skýr mörk
Við erum ekki með eiginlegar skólareglur en fari nemendur yfir skilgreind skýr mörk er gripið inn í og nemendum er þá vísað til skólastjórnanda sem ákveður næstu skref. Foreldrar eru boðaðir til fundar með nemendum og áætlun gerð um það sem betur má fara. Mikilvægt er að allir séu meðvitaðir um þetta.
Í Engidalsskóla viljum við:
Ekkert ofbeldi hvorki líkamlegt né andlegt
Engin barefli né önnur vopn
Engin ávana- eða fíkniefni þar með talið áfengi, tóbak og rafrettur
Engar alvarlegar ögranir eða hótanir
Engin skemmdarverk
Enga áhættuhegðun
Engan þjófnað
Verkefni nemenda úr smiðjum
Áhugasvið verkefni hjá 5. - 7. bekk
Holt og gott nesti fyrir hrausta og kraftmikla krakka
Engidalsskóli
Email: engidalsskoli@engidalsskoli.is
Website: https://www.engidalsskoli.is
Location: Breiðvangur 42, Hafnarfjordur, Iceland
Phone: 555 4433