Fréttamolar úr MS
13. október 2023
Miðannar-pepp 👊
Nemendur sem fengu Ó í tveimur áföngum eða fleirum hafa fengið póst og eru eindregið hvattir til að skoða sín mál, bóka tíma hjá námsráðgjafa og ræða leiðir til úrbóta.
Við hvetjum nemendur til að skoða vel niðurstöður miðannarmats í Innu og nýta sér til gagns. Ýtið á hnappinn hér fyrir neðan til að skoða kvarða um miðannarmat og hvaða matið þýðir.
Dagsetningar framundan 📆
Sunnudagur 15. október: Síðasti dagurinn til að sækja um Jöfnunarstyrk námsmanna
Föstudagur 20. október: Ýmis stöðupróf í tungumálum í MH (sjá nánar hér neðan)
Fimmtudagur 26. október: Matsdagur
Föstudagur 27. október: Matsdagur
Mánudagur 30. október: Haustfrí
Stöðupróf í tungumálum 20. okt.🌎
Við vekjum athygli á því að það verða haldin stöðupróf í ýmsum tungumálum í MH föstudaginn 20. október. Nemendur í MS geta tekið prófin og fengið einingar metnar á sinn námsferil hér í MS. Þetta er t.d. kjörið fyrir nemendur sem hafa búið lengi erlendis eða hafa annað móðurmál. Hægt er að fá færni í tungumáli metnar í stað 3. máls (frönsku / þýsku) eða sem val.
Athugið að nemendur þurfa sjálf að skrá sig í prófið í MH með því að senda tölvupóst sbr. auglýsingu hér að neðan.
Stjórnendur í MS
Í MS starfa fjórir stjórnendur sem nemendur geta leitað til með ýmis mál. Rektor og konrektor stýra skólanum, kennslustjóri sér um ýmis nemendamál og námsbrauta- og námskrárstjóri gerir stundatöflur og hefur umsjón með námsferlum nemenda.
Ykkur er velkomið að leita til okkar á skrifstofu MS!
MS hlýtur tilnefningu til Íslensku menntaverðlaunanna
Það gleður okkur að tilkynna að Menntaskólinn við Sund er tilnefndur til Íslensku menntaverðlaunanna fyrir framúrskarandi þróunarverkefni. Skólinn hlýtur tilnefninguna fyrir starfendarannsóknir, sem hafa verið stundaðar við skólann síðan 2005. Lokamarkmið allra starfendarannsókna er að bæta nám nemenda, líðan og námsárangur þeirra.
Könnunin ungmenni og netmiðlar 💻
Menntaskólinn við Sund tekur þátt í könnuninni Ungmenni og netmiðlar sem framkvæmd er af Menntavísindastofnun HÍ og Fjölmiðlanefnd.
Allir nemendur yngri en 18 ára fengu boð um að svara könnuninni í pósti í gær og við vonumst til að sem flest taki þátt. Þátttaka er valkvæð en svörun sem flestra er afar mikilvæg.