Eins og þið eflaust flest vitið þá hefur smitum fjölgað hratt á síðustu dögum og í dag komu fram nýjar reglur um hertar takmarkanir. Þegar þetta er skrifað er enn ekki komið fram með hvaða hætti takmarkanir verða í skólastarfi en ljóst að gríman er komin aftur og mikilvægt að allir hugi að persónulegum sóttvörnum.
Núna í nóvember eru fyrirhugaðir nokkrir viðburðir þar sem við ætluðum að fara með nemendum t.d. á Brúarásball og Bootcamp smiður á Egilsstöðum.
Nú þegar er búið að fresta ballinu á Brúarási og ljóst að ekki verður farið í Egilsstaði í Bootcampsmiðjur en við vonumst til að geta klárað Bootcamp viðburðinn með einhverjum hætti, það verður upplýst um það síðar.
Í næstu viku ætlum við að endurvekja gömlu gestavikuna okkar og á þeim dögum hvetjum við foreldra, afa, ömmur, frænkur og frændur til að koma og heimsækja sína nemendur. Okkur langar að halda í þessa hefð en nú eru reglur að breytast hratt.
Þegar þetta er skrifað á eftir að senda út nánari útfærslu á þessum reglum fyrir skóla og er fólk beðið um að fylgjast með tölvupósti en ég mun upplýsa betur um helgina með hvaða hætti við skipuleggjum gestadagana okkar.
Vonandi getum við haldið þeim og tekið á móti gestum í takt við þessar reglur.
https://www.stjornarradid.is/efst-a-baugi/frettir/stok-frett/2021/11/12/COVID-19-Hertar-adgerdir-50-manna-fjoldatakmarkanir-storatak-i-orvunarbolusetningum/
