Fréttamolar úr MS

Gleðilegt sumar kæru nemendur og takk fyrir veturinn. Senn styttist í lok vorannar og mikilvægt að nýta tímann vel fram að því. Ýmsir viðburðir eru framundan í skólastarfinu og nóg um að vera í apríl og maí.

28.-30. apríl: Umhverfisvika

30. apríl: Úrslit í Morfís - MS mætir Versló á Hótel Hilton kl. 19:00

1. maí: Verkalýðsdagurinn - frídagur

2. maí: Matsdagur - dagskrá birtist á www.msund.is í næstu viku

5.-8. maí: Landóvika SMS - nánar auglýst í næstu viku

8. maí: Landóballið

20. maí: Síðasti kennsludagur vorannar

31. maí: Brautskráning útskriftarefna í Háskólabíó kl. 10:45

MORFÍs lið MS hefur staðið sig stórkostlega á þessu ári og er nú komið í úrslit keppninnar. MS keppir á móti Versló þann 30. apríl á Hótel Hilton og hefst keppnin kl. 19.

Nú þurfa allir MS-ingar að mæta og styðja okkar fólk til sigurs! Markmiðið er að fylla salinn af stuðningsliði MS. Almenn miðasala fer fram á tix.is og kostar miðinn 2500 kr. Þau sem eiga bleikan bol frá Gettu betur eða opnu húsi fá frítt inn en þurfa að skrá sig hér. ÁFRAM MS! 🤩🤩

Fyrir páskafrí kusu nemendur nýja stjórn SMS fyrir skólaárið 2025-2026. Nýja stjórnin hefur tekið við stjórnartaumunum og er Landó-vikan og Landóballið 8. maí fyrstu stóru viðburðir nýrrar stjórnar. Við óskum nýkjörnum fulltrúum til hamingju og óskum þeim velfarnaðar í sínum embættum. Okkur langar jafnframt að hrósa öllum frambjóðendum fyrir góða og drengilega kosningabaráttu.

Brautskráning vorannar fer fram í Háskólabíó laugardaginn 31. maí næstkomandi. Athöfnin hefst kl. 10:45 og tekur um 1,5 klukkustund með myndatöku. Hvert útskriftarefni getur boðið 5-6 gestum á athöfnina í Háskólabíó. Upplýsingapóstur verður sendur útskriftarefnum á næstunni.

Fulltrúar úr umhverfisnefnd MS, ásamt FÁ og félagi Sameinuðu þjóðanna, fóru í vikunni í Höfða og tóku á móti styrk til að vinna að verkefninu Draumur um jökla. Verkefnið fjallar um það hvernig loftslagsbreytingar hafa áhrif á jökla og er ætlunin að fara í ferð á jökul og vinna að myndbandi um málefnið sem á að höfða til ungs fólks. Heiða Björg Hilmisdóttir, Borgarstjóri Reykjavíkur, afhenti styrkinn.