Dagur gegn einelti er 8. Nóvember ár hvert og í tilefni af því héldum við vinadag Djúpavogsskóla. Þetta var frábær dagur sem hófst á samveru þar sem farið var yfir þakklætiskveðjurna, farið í vina-klappleik og veðranudd. Eins og vanalega þá stýrðu þær Þórdís og Berglind samveru og eiga mikið hrós skilið fyrir þessar skemmtilegu stundir.
Á vinadegi horfðu nemendur á meðfylgjandi myndband
,,Skilaboð til þín“, þar sem ýmist þekkt fólk minnir okkur fallega á hvernig allir tapa á einelti. https://www.youtube.com/watch?v=kfX56SoTNu4
Elstu nemendur á leikskólanum komu í heimsókn og tóku þátt í vinadegi á yngstastigi.
Nemendur á öllum stigum unnu frábær verkefni í gegnum daginn þar sem skrifuð voru vinabréf og hrósmiðar. Nemendur bjuggu til vina-risaeðlu og skrifuðu falleg ummæli um hvert annað auk þess að lauma skilaboðum inn um lúguna hjá fólki á leiðinn heim úr skólanum.
Þetta var frábær dagur þar sem gildi skólans voru höfð að leiðarljósi, einstaklega vel gert hjá nemendum og starfsfólki skólans og vonandi verður 8.nóvember árlegur vinadagur í Djúpavogsskóla.
Ein af mikilvægustu lykilhæfnum framtíðarinnar er hæfileikinn til samvinnu og góðra samskipta.
Á vinadegi er markmiðið að efla samskipti, félagsfærni og virðingu, gefa börnum hugmyndir að góðum fyrirmyndum.
