DJÚPAVOGSSKÓLI

FRÉTTIR ÚR SKÓLASTARFI

JÓLADAGATALIÐ OKKAR

Í næstu viku er nokkuð hefðbundin vika hjá okkur. Nemendur í tónlistarskólanum halda tónfund í Djúpavogskirkju og Berglind tónlistarkennari verður í sambandi við nemendur og foreldra í tengslum við það.

Á föstudaginn næsta ætlum við að hafa jólafatadag. Umsjónarkennarar upplýsa betur um það þegar nær dregur.

NÆSTA VIKA

Mánudagur 06.desember

Mætum hress og kát eftir gott helgarfrí

Þriðjudagur 07.desember

14:40 Starfsmannafundur (gæti haft áhrif á opnunartíma í viðveru)

Miðvikudagur 08.desember

Góður dagur til að lesa jólabók

Fimmtudagur 09.desember

14:40 Fagfundur
16:30 Tónfundur nemenda tónlistarskólans

Föstudagur 10.desember

Jólafatadagur

MATSEÐILL Í DESEMBER

BOOTCAMP-HEIMSMARKMIÐA-SMIÐJUR

Já það kom að því, við náðum að klára Bootcamp smiðjurnar. Signý kom til okkar á mánudaginn, Lilja og Karen voru búnar að skipta í hópa, undirbúa og nemendur mættu hressir.

Nemendur unnu saman í hópunum sínum og kynntu svo verkefnin í lokin. Verkefni tveggja hópa voru valin sem framlag Djúpavogsskóla.

Nú hafa allir skólar í Múlaþingi lokið sínum smiðjum og dómnefnd mun velja þrjú bestu verkefnin.

zoom_out_map

LÖGREGLAN Í HEIMSÓKN

Í gær kom lögreglumaður í heimsókn til okkar. Hann heitir Björn Emil og er varðstjóri á Fáskrúðsfirði. Bjössi lögga, eins og hann kynnti sig, fræddi nemendur um ábyrga netnotkun og birtingamyndir starfræns ofbeldis. Þetta var frábær fyrirlestur og mikilvæg fræðsla.

GUNNAR HELGASON Í HEIMSÓKN

Gunnar Helgason rithöfundur og leikari kom til okkar í dag. Það er óhætt að segja að hann hafi farið á kostum :)

Gunnar sagði krökkunum að góð barnabók yrði að vera fyndin og spennandi en best væri ef hún væri bæði.

Það var mikið hlegið og Gunnar fékk margar góðar spurningar. Í lokinn fór hann í alla bekki og gaf nemendum bókamerki og margir vildu hafa það áritað.

Reynt var að virða allar Covid reglur. Það var stólað upp í nýju stofunum (50 stóla hámark) og Gunnar var í miðjunni og talaði til beggja hópa. Hann var alltaf með grímu nema þegar hann stóð á milli hópa í öruggri fjarlægð, auk þess sem hann tók hraðpróf í morgun.

Gunnar hefur komið til okkar áður og það var vel merkjanlegur aukinn áhugi á lestri eftir þá heimsókn. Það er mjög mikilvægur þáttur í skólastarfinu að fá svona heimsóknir og við reynum að gera okkar besta til að láta það ganga upp við þessar aðstæður.

zoom_out_map

JÓLASKREYTINGAR OG STEMMING

í dag var skólinn skreyttur og hellingur af jólaálfum voru á sveimi. Nemendur í listgreinum hjá Mörtu hafa útbúið stór skemmtilegar jóla-álfamyndir og fóru um húsið og skreyttu. Þetta eru ótrúlega litríkar og flottar myndir sem hressa heldur betur upp á stemminguna. Skólastjórinn er komin með dyravörð en þar er flottur álfur sem passar vel upp á allt :)

Á miðstigi var jólatónlist og nemendur upp um alla veggi við að skreyta.

Í listgreinum hjá Hildi hafa nemendur verið að útbúa jólakransa og fleira skemmtilegt.

Nemendur í tónmennt sungu jólalög og allir nemendur skólans fengu piparkökur og mandarínur í boði Múlaþings.