Tæknótíðindi

• 5. desember - Jólapeysudagur í Tækniskólanum

• 5. desember - Upplýsingafundur útskriftarnema

• 6. desember - Útskriftarsýning í grafískri miðlun og prentun
• 7. desember - Kynningar á lokaverkefnum vélfræðinema
• 12. og 13. desember - Húsgagna- og húsasmíðasýning

• 12. og 13. desember - Námsmat
• 16. desember - Birting lokaeinkunna
• 18. desember - Útskrift Tækniskólans

Skóladagatal Tækiskólans á PDF formi er aðgengilegt hér!

Jólapeysudagur verður í Tækniskólanum fimmtudaginn 5. desember.

Gerum okkur glaðan dag og mætum í jólapeysu eða öðrum jólalegum fötum í tilefni dagsins 🎅

Fundurinn verður haldinn á Teams fimmtudaginn 5. desember kl. 12:30 og hvetjum við nem­endur sem eru að útskrifast til þess að mæta.

Hægt er að smella á hlekkinn hér að neðan til að tengjast fundinum.

Föstu­daginn 6. des­ember kl. 15:00–17:00 verður útskriftarsýning og opnunarhóf í nýju húsnæði sérsviða Upp­lýs­inga­tækni­skólans í graf­ískri miðlun, prentun, bók­bandi og ljós­myndun.

Þar munu útskrift­ar­nem­endur í graf­ískri miðlun og prentun sýna loka­verk­efni ásamt öðrum verkum úr náminu.

Hér má sjá nánari upplýsingar um viðburðinn og við hvetjum ykkur til að líta við og fagna deginum með nemendum.

Loka­ein­kunnir verða birtar í Innu mánudaginn 16. des­ember.

Þá eru nem­endur hvattir til að skoða námsmat og fara yfir ein­kunnir en kenn­arar verða til viðtals í sínum deildum kl. 10:00–12:00 þennan sama dag.

Nánari upplýsingar um annarlok má finna á vefsíðu skólans.

Útskrift Tækni­skólans á haustönn fer fram í Eld­borg­arsal Hörpu, miðvikudaginn 18. desember.

Athöfnin hefst stund­vís­lega kl. 13:00 og nem­endur eru beðnir um að mæta klukku­stund áður en athöfn hefst, nánar tiltekið kl. 12:00 í Eldborgarsal.

Útskrift­ar­nem­endum er úthlutað sæti við athöfnina og hver skóli útskrifar eina náms­braut í einu. Frjálst sætaval er fyrir gesti en hver og einn nem­and má bjóða allt að fjórum gestum með á útskriftina.

Nánari upplýsingar um útskriftina má finna á vefsíðu skólans.

Breytingarnar snúa m.a. að notkun snjalltækja, aðgangskortum og ýmsu sem tengist agamálum.

Við hvetjum ykkur til að kynna ykkur reglur skólans vel með því að smella á hnappinn hér að neðan.

Eins og kom fram í síðustu Tæknótíðindum var vel heppnaður skólafundur haldinn þriðjudaginn 19. nóvember þar sem fjöldi nemenda og starfsfólks ræddi m.a. um draumaskólaumhverfið.

Skuggakosningar fóru svo fram í Tækniskólanum fimmtudaginn 21. nóvember þar sem settar voru upp kjördeildir á Háteigsvegi, í Hafnarfirði og á Skólavörðuholti.

Í tilefni Alþingiskosninganna bauð Tækni­skólinn til pallborðsumræðna með full­trúum stjórn­mála­flokk­anna dagana 26. og 27. nóv­ember. Þar svöruðu fulltrúar stjórnmálaflokkanna spurningum frá nemendum og sýndu á sér skrautlegar hliðar er þau þreyttu meistaraprófið.

Þá var nemendum og starfsfólki boðið í hátíðarkaffi föstudaginn 29. nóvember í tilefni fullveldisdagsins. Þjóðlegar veitingar voru á boðstólum og fjölmörg mættu spariklædd í skólann í tilefni dagsins.

Hér að neðan má sjá nokkrar svipmyndir frá þessum skemmtilegu og vel heppnuðu viðburðum.