Augnstýring í Klettaskóla

Tíu nemendur í Klettaskóla eru að læra að nota augun sín til að stjórna tölvumús. Sumir eru að vinna með orsök og afleiðingu og val á athöfnum. Aðrir eru auk þess að læra að setja saman stuttar setningar.

Email: hanna.run.eiriksdottir@rvkskolar.is
Website: http://klettaskoli.is/
Location: Reykjavík, Iceland
Phone: 411 7950
Facebook: https://www.facebook.com/groups/1703702026509207/?fref=ts

Nemendur læra í gegnum leik en einnig eru þeir að læra að tjá sig með boðskiptaforritum. Annars vegar notum við Tobii Communicator, hins vegar notum við Grid 3.

Kröfur á færni verða meiri eftir því sem nemendur vinna sig í gegnum leikina. Gagnlega samantekt er hægt vista eftir að unnið hefur verið í hverjum leik.

Í hverjum tíma er gögnum safnað í One Note möppur. Þar er hægt að setja inn hitamyndir af augnhreyfingum, skjámyndir af setningum sem nemendur setja saman. Einnig er hægt að skrifa texta, taka upp hljóð, setja inn myndir og myndbönd. Hver nemandi á sína möppu þar sem gögnum er safnað jafnóðum.