Tæknótíðindi

• 8. janúar - Fyrsta umferð Gettu betur
• 10. janúar - Úrsögn úr áfanga
• 16. janúar - Fjarfundur fyrir forráðafólk
• 17. janúar - Skráning til útskriftar
• 22. janúar - Átótjúnið

Skóladagatal Tækiskólans á PDF formi er aðgengilegt hér!

Forráðafólki nýnema í Tækni­skól­anum er boðið á fjarfund fimmtudaginn 16. janúar kl. 18:00 á íslensku og klukkan 19.00 á ensku. Áætlað er að hvor fundur um sig taki u.þ.b. eina klukku­stund.

Á fund­unum munu skóla­meistari, aðstoðarskóla­meistari og starfs­fólk stoðþjón­ustu segja frá starf­sem­inni, þeirri þjón­ustu sem er í boði, nám­svefnum Innu, félags­lífi og fleiru.

Hægt er að smella á hlekkinn hér að neðan til að tengjast fundinum á Teams.

Lið Tækni­skólans skipa þau Óðinn Logi, Lóa Mar­grét og Magni Kristinsson. Varamaður er Otri Reyr Franklínsson.

Þjálf­arar liðsins eru Auður Aþena Einarsdóttir og Íris Erna Eysteinsdóttir.

Nemendur sem vilja styðja við liðið á keppnisstað, í útvarpshúsinu við Efstaleiti, geta skráð sig með því að smella á hnappinn hér að neðan.

Átótjúnið, söngkeppni Tækniskólans, fer fram í Mengi miðvikudaginn 22. janúar. Hljómsveit spilar undir hjá keppendum, sem fá jafnframt tækifæri til þess að æfa lagið sitt með hljómsveitinni.

Sigurvegari Átótjúnsins keppir fyrir hönd Tækniskólans í Söngkeppni Framhaldsskólanna 2025.

Nánari upplýsingar um keppnina og fyrirkomulag er hægt að fá hjá Inga Birni í Framtíðarstof­unni eða Lilju félagsmálafulltrúa.

Nemendur sem ætla að taka þátt geta skráð sig með því að smella á hnappinn hér að neðan en skráningu lýkur föstudaginn 17. janúar kl. 16:00.

Leikfélagið MARS frumsýnir leikrit skólaársins föstudaginn 15. febrúar. Leikritið heitir Klú og er byggt á morðgátuspilinu Clue. Leikritið gerist á sveitahóteli árið 1954 þar sem gestir og starfsfólk lenda í óvæntri atburðarás.

Ef þig langar að taka þátt í að setja dularfullt morðmál á svið þá má ennþá bætast við hópinn. Æfingar hjá félaginu eru á mánudögum og miðvikudögum frá 17:00–20:00.

Ef þú hefur áhuga á að taka þátt í að hanna búninga, sviðsmynd, hárgreiðslu og förðun, auglýsingar eða vinna önnur tilfallandi verkefni máttu hafa samband við Lilju Ósk eða leikfélagið MARS.

Tækni­skólinn leggur mikið upp úr öflugri þjón­ustu sem ætlað er að styðja við nem­endur skólans.

Nú í annarbyrjun viljum við benda á eftirfarandi upplýsingasíðu og hvetjum nem­endum til að kynna sér efni síðunnar en þar má finna hagnýtar upplýsingar um skólann, skólastarfið, námið og fleira sem gott er að kynna sér.

Nem­endur finna upp­lýs­ingar um bækur og námsgögn í Innu þegar stunda­töflur birtast.