Fréttamolar úr MS

Nú er haustönn lokið og vetrarönn að hefjast. Kennsla á vetrarönn hefst samkvæmt stundatöflu þriðjudaginn 19. nóvember.

Stundatöflur nemenda opna í Innu föstudaginn 15.11. Á sama tíma opnar fyrir töflubreytingar í Innu og hægt er að óska eftir töflubreytingum til kl. 15:00 mánudaginn 18. nóvember. Ef nemendur þurfa aðstoð við töflubreytingar þarf að mæta í MS á mánudaginn 18. nóv.! Nánari upplýsingar um töflubreytingar og leiðbeiningar á heimasíðu MS.

Vetrarönn hefst með stæl enda 85 vika SMS að hefjast á sama tíma. Sjá dagskrá hér neðar.

18.-22. nóv.: 85 vika SMS

19. nóv.: Fyrsti kennsludagur vetrarannar

21. nóv.: 85 ball SMS í Gamla bíó kl. 22-1

22. nóv.: Kennsla hefst kl. 9:30 - ATH. viðvera skráð í kennslustund 2 og 3.

22. nóv.: Síðasti dagur til að skrá sig úr áföngum.

29. nóv.: Litlu jól framhaldsskólanna

19. og 20 des.: Matsdagar

20. des. kl 15:00: Brautskráning nemenda eftir haustönn fer fram í MS

23. des til og með 3. janúar: Jólafrí

6. janúar: Kennsla hefst á nýju ári.

Á vetrarönn verður lögð áhersla á að bæta mætingu og stundvísi í tíma. Sú breyting verður gerð á viðveruskráningu að sjálfvalin mætingarskráning í Innu er nú F í stað M áður. Þetta gerir það að verkum að kennari gefur M, en ekki F, og á að tryggja nákvæmari mætingarskráningu. Lögð er áhersla á að kennarar skrái mætingu við upphaf kennslustunda.

85 vika SMS hefst strax á mánudag með keilu í Keiluhöllinni. Starfsmenn skólans verða á staðnum.

Mánudagur 18. nóvember:

85‘ keila í Keiluhöllinni kl. 21:30-23:30

Þriðjudagur 19. nóvember:

Fyrsta hlé: Bendileikur

Hádegi: Tískusýning starfsfólks / kennara

Miðvikudagur 20. nóvember:

Fyrsta hlé: Listafélagið

Hádegi: Lip sync challenge

Eftir skóla: Hæfileikakeppni SMS.

Fimmtudagur 21. nóvember:

Fyrsta hlé: Mylluleikur

Hádegi: Ármaður SMS leikur 85 slagara á gítar

Kvöldið: 85‘ ballið í Gamla bíó

Föstudagur 22. nóvember: Kennsla hefst kl. 9:30. Skrifstofan fellir niður fyrsta tímann (8:30-9:10) og svo er lesið upp í annan tíma kl. 9:30. Nemendur fá því skráða viðveru í tvo tíma í morgunstokki (í stað þriggja).

Minnt er á að allir viðburðir á vegum skólans eru án áfengis, vímuefna og tóbaks. Skólareglur gilda á viðburðum sem og viðurlög við brotum á þeim. Öll eru hvött til þátttöku í edrúpotti á ballinu og til mikils að vinna en dregið verður úr pottinum vikuna eftir ball. Allir nýnemar og gestir fæddir 2008 þurfa að blása í áfengismæli við inngöngu á ballið.

Litlu jól framhaldsskólanna er viðburður skipulagður af umhverfisnefndum MS, FÁ og Tækniskólans. Litlu jólin fara fram í FÁ fimmtudaginn 29. nóvember. Þar verður m.a. fataskiptimarkaður, fríbúð, piparkökuskreytingar með gömlum/útlitsgölluðum piparkökum, loftslagsvænt kakó, gjafakortasmiðja, jól í skókassa, fataviðgerðir, tónlistaratriði og fleira í þeim dúr.

Gott að er uppfæra og endurræsa tölvuna við upphaf nýrrar annar svo tölvan byrji nýja önn jafn fersk og nemendur!

Smellið á myndina til að sjá dagatalið í betri upplausn.