Flataskólapósturinn

Núna þegar margir eru heima í páskafríinu er gaman að nýta tímann í að læra eitthvað nýtt. Hér fyrir neðan er safn hugmynda sem eiga það sameiginlegt að vera skapandi og skemmtilegar.

Það er hægt að búa til stuttmyndir með hvaða snjalltæki sem er.

Um að gera að prófa möguleika eins og "green screen" eða brellur.

Kíktu endilega á þessar leiðbeiningar.

Það getur verið ótrúlega skemmtilegt að gera Rube Goldberg vél. Hvort sem hún er stutt og einföld eða stór og flókin. Hér væri gaman að fá alla fjölskylduna með!

Ef það eru til tómir kassar heima og límband er hægt að búa til ótrúlega margt eins og margir í Flataskóla hafa prófað í Djúpinu.

Háskóli Íslands er með opna vísindasmiðju á netinu þar sem reglulega eru settar inn nýjar tilraunir sem hægt er að gera heima. Spennandi að fylgjast með og framkvæma.

Það er rosalega gaman að forrita sinn eigin leik. Það er hægt að læra að forrita á mörgum stöðum á netinu og með margvíslegum öppum. Betra að búa sér til aðgang og skrá sig inn í hvert sinn.

Hour of Code - https://code.org/

Code Combat - https://codecombat.com/

Tynker - https://www.tynker.com/

SMORE - App

Öll fjölskyldan getur tekið þátt í lestrarátaki Mennta- og menningarmálaráðuneytisins. Það skiptir ekki máli hvað er lesið eða hvar er lesið. Endilega skráið ykkur til leiks. Athugaðu að hlusta á hljóðbók er líka lestur.

Tökum þátt í að koma Íslandi í Heimsmetabók Guinness fyrir lestur.

Ef það eru til LEGO kubbar heima hjá þér er kjörið að taka þátt í 30 daga Lego- áskorun. Það er opinn Facebook hópur fyrir áskorunina þar sem hver sem er getur deilt LEGO meistarverkum. Mælum með að foreldrar aðstoði börn sín við að deila myndum af LEGOverkum þangað inn.

Til að fá hugmyndir er snjallt að skoða YouTube rásina Brick X Brick.

Þessi áskorun hefur verið ein sú vinsælasta í Djúpinu. Snjallt að safna pappahólkum og byrja og bæta síðan við smám saman. Það er mjög gaman að þróa brautina og breyta. Ef það eru ekki til litlir boltar eða kúlur mætti til dæmis gera kúlu úr álpappír.

Með MAKR appinu er hægt að búa til myndir sem hægt er að skoða í auknum veruleika (AR). Appið er hægt að nota í Apple síma eða iPad. Möguleikar forritsins eru fjölbreyttir.

Leikgleði 50 leikir - kemur sér vel til að finna nýjan leik eða rifja upp leik sem maður þekkir.

Leikgleði - 50 leikir - rafbók.

Ef þú leitar að dýrum í Google í snjallsíma, velur 3D reitinn sem birtist neðst við mynd. Þá færðu skemmtilega heimsókn í símann.

Það þarf að nota dýraheiti á ensku, prófaðu; panda, lion, tiger, cheetah, shark, hedgehog, duck, emperior penguin, wolf, angler fish, goat, rottweiler, snakes, eagle, brown bear, alligator, horse.

Hér eru margir snjallir þættir til að horfa á.

Blaðið er unnið úr hugmynd Önnu Maríu Þorkelsdóttur kennsluráðgjafa í Hörðuvallaskóla og eru henni færðar bestu þakkir fyrir.

Email: elinborgs@flataskoli.is
Website: flataskoli.is
Location: Flataskóli, Gardabaer, Iceland
Twitter: @elinborgin