Fréttabréf Síðuskóla

Þá er sumarleyfið að baki og munum við hefja skólastarfið með skólasetningu fimmtudaginn 22. ágúst, kennsla hefst svo samkvæmt stundaskrá föstudaginn 23. ágúst kl. 8:10 nema hjá 1. bekk. Foreldrar og nemendur 1. bekkjar fá póst frá umsjónarkennurum varðandi að bóka viðtal. Sjá nánar hér neðar í fréttabréfinu.

Nemendur í Síðuskóla eru um 380 og starfsmenn tæplega 90 talsins. Við bjóðum bæði nýja nemendur og nýtt starfsfólk velkomið í hópinn til okkar. Breytingar hafa orðið á umsjónarkennurum í 3. og 7. bekk frá því sem sent var út í fréttabréfi í júní. Neðar í fréttabréfinu má sjá hverjir eru umsjónarkennarar árganga.

Við hlökkum til samstarfs við ykkur á komandi skólaári og munum hafa einkunnarorð skólans að leiðarljósi en þau eru ábyrgð, virðing og vinátta. Við þurfum að vera samstíga í að byggja upp framsækinn og öflugan skóla þar sem allir eru metnir að verðleikum og líður vel.

Með góðri kveðju!

Ólöf, Malli og Helga

Síðuskóli verður settur fimmtudaginn 22. ágúst. Tímasetningar eru sem hér segir:
2. - 5. bekkur mætir kl. 9:00.
6. - 10. bekkur mætir kl. 9:30.
Nemendur mæta í sínar heimastofur og koma síðan á sal með starfsfólki. Hér fyrir neðan er hægt að sjá kort af skólanum og á því eru heimastofur bekkjanna. Foreldrar og nemendur 1. bekkjar verða boðaðir í viðtal til umsjónarkennara með tölvupósti.

Foreldrar/forráðamenn eru velkomnir með börnunum sínum á skólasetningu, við biðjum þá sem mæta með sínum börnum að mæta með þeim fyrst í heimastofu.

Skólamáltíðir verða gjaldfrjálsar frá og með skólabyrjun. Nánara fyrirkomulag á skráningu verður sent síðar.

Skráning í ávaxta- og mjólkuráskrift fer fram á vala.is með rafrænum skilríkjum. Skráning frá síðasta skólaári helst óbreytt inni nema skráningu sé breytt á vala.is

Gjald er innheimt á níu mánuðum þ.e. mánuðina september - maí.

Gjaldinu vegna daganna í júní og ágúst er jafnað á hina mánuðina.

Ávaxtaáskrift 2.199 kr.

Mjólkuráskrift 973 kr.

Skólinn byrjar kl. 8.10 á morgnana.

Skólinn opnar kl. 7.45. Boðið er upp á frían hafragraut á morgnana áður en skóli hefst og í frímínútum fyrir 8.-10. bekk.

Nemendur í 1. bekk fá póst varðandi skráningu í viðtal hjá umsjónarkennurum sem verða fimmtudaginn 22. ágúst og föstudaginn 23. ágúst.

Fimmtudaginn 22. ágúst opnar Frístund kl. 12 fyrir alla sem þar eru skráðir. Föstudaginn 23. ágúst gefst 1. bekkingum kostur á að nýta frístund fyrir hádegi sér að kostnaðarlausu. Almenn vistun hefst svo kl. 13:15 þann sama dag. Þeir sem vilja nýta Frístund á þessum tíma eru beðnir um að senda póst á Silfá, forstöðumann Frístundar, silfa@akmennt.is.

1. bekkur - Gréta Björk Halldórsdóttir og Sigríður Jóna Ingólfsdóttir

2. bekkur - Lilja Þorkelsdóttir, Matthildur Stefánsdóttir og Þórunn Hafsteinsdóttir

3. bekkur - Heiðdís Björk Gunnarsdóttir og Petrea Ósk Sigurðardóttir

4. bekkur - Fríða Rún Guðjónsdóttir og Magnea Guðrún Gróa Karlsdóttir

5. bekkur - Arna Valgerður Erlingsdóttir og Rannveig Heimisdóttir

6. bekkur - Hafdís María Tryggvadóttir og Kolbrún Sveinsdóttir

7. bekkur - Gunnar Símonarson og Íris Berglind Clausen

8. bekkur - Heiða Björg Guðjónsdóttir og Ólafur Haukur Tómasson

9. bekkur - Hjördís Ragna Friðbjarnardóttir, Sigríður Jóhannsdóttir og Þröstur Már Pálmason

10. bekkur - Hulda Guðný Jónsdóttir og Katrín María Hjartardóttir