Það var hellingur að gerast hjá okkur í þessari viku.
Á mánudaginn var viðburður á vegum Bras, menningarmót. Það var Kristín Vilhjálmsdóttir sem leiddi þá vinnu en markmið með verkefninu er m.a. að:
- varpa ljósi á styrkleika þátttakenda og fjölbreytta menningu og tungumál þeirra á skapandi hátt
- að stuðla að gagnkvæmri virðingu og skilningi
- að skapa vettvang þar sem þátttakendur geta undrast og hrifist af því sem er líkt og ólíkt í menningu þeirra og áhugamálum
- að listin verði sameiginlegt tungumál barna og ungmenna
- að einstaklingar verði meðvitaðir um gildi eigin menningar og upplifi um leið þau jákvæðu áhrif sem það hefur á sjálfsmyndina að veita öðrum innsýn inn í sinn heim
- að þátttakendur geri sér ljóst að fjölbreytt menning, áhugasvið og ólík tungumál mynda mikilvægt menningarlegt litróf í samfélaginu.
Frábært verkefni hér á ferð.
Í samveru var m.a. sungið og nemendur fengu kynningu á íþróttastarfi Neista í vetur, foreldrar ættu að hafa fengið drög að stundartöflu og skráningarform sent í tölvupósti.
Tónlistarskólinn hefur formlega hafið vetrarstarfið, það eru enn nokkur pláss laus og hægt að hafa samand við Berglindi og skrá sig.
Frístund og heimilisfræði eru komin á Helgafell, allt er að smella rólega saman.
Einnig var kosið í nemendaráð og ungmennaráð.
Starfsáætlun skólans var samþykkt af starfsfólki og næst fer hún fyrir Skólaráð og í framhaldi verður hún birt á heimasíðu skólans.
